Misiangtho Veronica Pawini. (July 12)

Veronica cih min pen Laisiangtho thak sungah a ki gelhna omlo hi. Veronica tangthu a ki genna in pawlpi tawh kisai thu, midang te kiangah hopkhiat nopna tawh a ki phuak tangthu khat ahi hi. Latin kam in ‘Vero icon’ cih a khiatna in “A thuman lim” cihna ahi hi.
Topa Jesu in Golgotha mual tungah a kahtohna lampi ah singlamteh nuai leilakah a tuk lai takin tua singlamteh lampi gei ah Veronica om hi ci hi. Amah in hehpihna tawh Topa Jesu ii maitang a dial tawh nul sak hi. Tua a dial tungah Topa Jesu ii maitang lim a suakna thu amah in a nunglam ciang thei pan hi. Veronica ii thu pen Topa Jesu gim thuakna lampi pan ih mu thei hi.
Veronica in Topa Jesu ii nungzui khat ahih lohna thu tangthu sungah ki mu thei hi. Amah in gimna a thuak mi khat tungah hehpihna tawh na huh hi. Tua simmawh bawlsiatna, gimna a thuak mi in kua hi aa, bang mawhna hang tawh ki bawlsia hiam cih thu amah in thei lo hi. Ahi zongin a dial tungah a suak a lamdang maitang lim a muh ciangin tua gimna a thuak mi in kua hiam cih Veronica in tel pan hi.
Misiangtho Veronica aw...Ko te adingin thu hong ngetsak tan.