‘Topa’ min tawh hong paipa in thupha ngah ta hen,’ na cih matengun kei nong mu kei ding uh hi,”

Catholic Nisim Lai Siangtho. Hun Nautaang Nipikaal (30) Na (THUR.) October 31.2019

Lungdamna Lai Siangtho.

(Lk. 13: 31-35)

31. Tua hun laitakin Jesu’ kiangah Pharisee-te pawlkhat va pai uh a, ama kiangah, “Hih lai mun pan paikhia in, bang hang hiam cih leh Herod in nang hong that nuam hi,” a ci uh hi.

32. Jesu in amaute’ kiangah, “Pai-in tua ngia’ kiangah, ‘Ngai in, tuni le zingciang dawite hawlkhia-in mite ka damsak dinga, a ni thumna ni-in ka tupna ka zo ding hi,’ ci-in va gen un.

33. Ahi zongin tuni, zingciang le thaiciang ka zinzin lai ding hi. Bang hang hiam cih leh, kamsang khat Jerusalem khua pualam ah a kithah ding hi theilo hi.

34. Jerusalem, Jerusalem, kamsangte that-a, nang kianga hong kisawlte suangin a deng nang, akpi in a note a kha nuai ah a khop bangin na tate tamveipi ka khop nop hangin nang na ut kei hi!

35. En in, na inn a hawmguakin a kinusia ding hi. Ken kong genin ah: ‘Topa’ min tawh hong paipa in thupha ngah ta hen,’ na cih matengun kei nong mu kei ding uh hi,” a ci hi.

Hih in Topa’ lungdamna Lai Siangtho ahi hi.