Catholic Nisim Lai Siangtho. Hun Nautaang Nipikaal (29) Na (WED.) October 23.2019

Lungdamna Lai Siangtho.

(Lk. 12: 39-48)

39. “Ahi zongin gutate hong pai ding hun inn neipa in thei khol leh, ama inn a luhsak lohna dingin pelh loin a pang ding hi, ci-in na thei ta un.

40. Note zong kigingsa-in na om un. Bang hang hiam cih leh, na lamet loh hun laitakun, Mihing’ Tapa hong pai ding hi,” a ci hi.

41. Peter in, “Topa aw, hih thugentehna ko aading bek a hong gen na hi hiam? Ahih kei leh mi khempeuh aadingin a gen na hi hiam? ci-in a dong hi.

42. Tua ciangin Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a citak a pil nasempa kua ahi hiam?

43. A topa hong ciah ciangin, tua banga gamta-a a om a muh nasempa in thupha a ngah ding hi.

44. Ken a man takpi kong genin ah, a topa in a neihsa khempeuh tua nasempa a uksak ding hi.

45. Ahi zongin tua nasempa in, ‘Ka topa sawtveipi hong taam ding hi,’ ci-in nasem-numei le nasem-pasalte satgawpin, an ne tui dawnin, zu kham an khamin om leh;

46. a lamet loh ni le a theih loh kalin a topa hong tung dinga, tua nasempa a topa in dan pia-in a citak lote tawh mun khat ah a koihkhawm ding hi.

47. “A topa’ deihna thei napi-in, a topa’ deihna banga gamta lo a, a kiging khol lo tua nasempa in nakpi-in satna a thuak ding hi.

48. Ahi zongin a topa’ deihna thei lo a, satna dinga kilawm a gamta nasempa in tawmno satna a thuak ding hi. Hehpihna tampi a ngahte in tampi-in a lohkik ding hi. Muanna tak tawh tampi a ki-apte tung panin a tamzaw kingen kik ding hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Bible, #Laisiangtho,

#Tedim, #KalayDiocese, #Zomi, #Gospel,

Website: http://dtedim.rveritas-asia.org/

Like us on https://www.facebook.com/rvatedimchinservice ,

See us on https://www.youtube.com/channel/UCvMw-hJ1GDQ