Catholic Nisim Lai Siangtho. Hun Nautaang Nipikaal (28) Na (THUR.) October 17.2019

Lungdamna Lai Siangtho.

(Lk. 11: 47-54)

47. Note in gimna na thuak ding uh hi. Bang hang hiam cih leh, na pu na pate un a thah kamsangte’ han na bawl uh hi.

48. Tua bangin na pu na pate uh’ gamtatnate na thukimpihna uh na lak uh hi. Bang hang hiam cih leh, amaute in kamsangte a that uh hi. Note in amaute’ hante bawlin teci na pang uh hi.

49. Tua ahih manin Pasian’ Pilna in, “Amaute kiangah kamsangte le nungzuipite ka paisak dinga, amaute in tuate pawlkhat thatin, pawlkhat a bawlsia ding uh hi,” ci hi.

50. Leitung piancil-a kipan a kibua kamsangte khempeuh’ sisan hih khang mite in a lohkik ding uh hi.

51. Ken a man takpi kong genin ah, Abel’ sisan a kipan biakna tau le mun siangtho kikal a kithat Zechariah’ sisan dongin hih khang mite’ tungah kingen ding hi.

52. No thukham hilhsiate aw, gimna na thuak ding uh hi. Bang hang hiam cih leh, note in lungpilna kong honna na lakhia uh hi. No lah lut loin, a lut nuamte zongna khaktan uh hi,” a ci hi.

53. Tua lai panin Jesu a paikhiat ciangin Pharisee-te le thukham hilhsiate in amah nasiatak-a langpan ding sawmin ngak uh a,

54. ama kamin amah a mat theihna dingun thu a dong uh hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Bible, #Laisiangtho,

#Tedim, #KalayDiocese, #Zomi, #Gospel,

Website: http://dtedim.rveritas-asia.org/

Like us on https://www.facebook.com/rvatedimchinservice ,

See us on https://www.youtube.com/channel/UCvMw-hJ1GDQ