Kalay Diocese sung, Thuhilh Siate (Catechists) pawini

Kalay Diocese sung, Thuhilh Siate (Catechists) pawini pen Saint Luke Evangelist Pawini ahi October 18 ni-in bawl dingin Siampi Lian Bishop Felix leh Siampite in kum 2016 aa a kip sak uh ahi hi. Tu kum Thuhilh Siate Pawini pen Nipi ni tawh kituaklo ahih man in a nai penpen nipi ni ahi tuni Oct.16 ni-in mun tuamtuam aa om thuzui a tamzaw in a bawlsak uh ahi hi.

A lungdam huai mahmah ahi Oct.16 Sunday ni-in, Kalemyo, Munlai aa om Rev. Fr. Robert Kam Hau in Sts. Peter & Paul Parish ah Missa Biakpiakna leh hanthotna hong nei hi. Munlai Biakinn lam ding gelna a neihna thu zong hong pulak aa thuzuite tungpan a hi thei zahzah tawh huhna piakding in zong thapiakna nei hi.

Missa Biakpiakna a man ciangin thuzuite a om theisun tengin in Sts. Peter & Paul Parish sung khawktuamtuam aa om siate pahtawina piakna nei uh aa, a masa pen in lasakna kinei in Parish Priest ahi Rev. Fr. Maximian Mungpi leh Thuhilh Siate in tutmun lakna hong nei uh hi. Tua khit ciangin hunhon thungetna om aa, Fr. Maximian tungpan lungdam kohna leh thapiakna thu genna nei-in, tua khit ciangin Siate pahtawina lai simna leh papi ki pawlna, nupi, khangno, pawlpi leh mimal min tawh letsong piakna nei uh hi. Tua khit ciangin (Commission of Catechists, Kalay Diocese) aa vaipuak a nei Sia Bernard Lian in hih a kibawl siate pawi a piankhiatna leh lungdam kohna thugenna nei in, Topa thupha piakna tawh hun khakna nei uh hi. Hun khempeuh a man ciangin siate khutsahna, man (Photos) ki lakna nei uh aa nop ci mahmah hi.

Ih Biak Topa Pasian in Kalay Diocese sung mun tuamtuam aa om thuhilh siate leh a innkuan pihte tungah pumpi, lungsim, kha cidamna leh a ki tangsap uh thupha namkim hongpiak sak nading thu ngetsak ciat ni cin a ki hanthawn phapha hi hang.

Ka Lungdam

By Mr. Anthony Piang