Siangtho Nili Ni Bishop Felix kha-an vakna

Christian nuntakna sungah thu tampi tak ih ngaih sut kisam hi. A piang khin sate bek hilo aa a pianglai ding thute zong ngaih sunpha ni. Khe sawpna pen zindo na leh nasep hoih hi cin ki ciam teh hi. Khat leh khat ki huhna, ki pan pih na, ki-itna lah ding kisam hi. Tuni koi ci nuntak ding ih hi hiam? Mahatma Gandhi in "Leitungah mite itna taktak nei leng leitungah a gilkial kuamah omlo ding hi" na ci hi. Leitung a ki siatna pen bang hiam cih leh Christiante in ih Christian nuntakna picing lak zolo ahih hang hi. Leitungah a sung a lai aa om naupang a that pen Christian gamte hi ki ci hi. Leitungah naupangte vak zo keileng , nuam sazo kei leng ci aa a that. Tua a hih man in ih upnate ih gamtatna te song so lawi ahih man in leitungah Topa om nawnlo hi. Nang ii nuntakna leh kei nuntakna sungah Pasian teeng nawnlo ho hi. Siangtho Pumpi ih sansan te koi ah tung hiam? Tua ahih man in tuni Topa Jesu in itna ann kuang lui ding a Si leh Sa hongpia ding, ki lawmtakna pia ding, mawhna ki maisakna koi ci bangin pia ding eite in zong tua te ih piak theihna ding thungen ciat ni ci-in kha-an vakna hhong nei hi.