Pasian mawhsak kei-in

Hamsatna khatpeuh na tuak ciang Pasian mawhsak kei-in. Pasian namawhsak sangin mawhna pelhin a hoih zaw in na nuntak zawh nang hanciam in.

Haksatna siatna te na tuak ciangin Pasian mawhsak ding hilo hi. Ei leh ei, I lungsim te I ki sittel ding kisam hi. Angsung lungsim neihna in khat leh khat ki zopna hong susia hi. Ngongtatna in hoih lohna, siatna hong piangsak hi. Tua adingin Topa Jesu in lampikhat hong lak hi. Tua in Pasian deihna bangin nuntakna ahi hi.

Hoih lohna te phungpi in Pasian hi ngeilo hi. Pasian in ama hehpihna, mawh maisakna te bek tawh eite hong ompih hi. Eite mawhna te bulphuh in hong ompih hilo hi.

Itna leh u le nau sanggam khat bang aa lungsim a omna munah siatna a bawl nuam mite in uk zolo hi. Pasian deihna bangin sep zawh nang, kikhel ding pen baih lo hi cih Topa Jesu in thei ahih manin mawhna pelhin a kikhel nuam mite Topa Jesu in huh nuam hi.

Pasian in eite “ama itna tawh hong khen ngeilo hi.” "Eite tungah a lametna bei ngeilo hi." Pasian in ama upna te hehpihna tak tawh eite hong pia den hi. Pasian in a lungduaina hangin eite tawh hong omkhawm den hi. Amah in eite tungah lungkia cih om ngeilo hi.

Pasian in Pa khat bangin eite hong ompih hi. Nang bangzah takin gualzo cih te en lo-in Pasian in eite ading ahi zo zah ding bek tha hong pia hi. Pasian in a beisa hun sung bek ah a om hilo in, eite tawh kinai takin om in I mailam kalsuan nading zong lametna kiptawh hong en in hong ngak hi.