Tui Kholna Tausang Thupha Piakna

Tuni Zingsang Minor Rector Rev. Fr. Robert Pau Gin Mung in Minor sanga tui kholna bungte koihna dingin a lam uh tui tausang pen thupha piakna nei hi.
Hih tuitau pen a kilam thak hi-in tui bek thamlo in Sang naupangteng zong nuam takin pua zo a hih manin kip (kho) mahmah ding hi.
Huhna a piakhia mimal kim tung ah lungdam mahmah hi.
Hih sang naupangte Siampi a suah zawh na dingun a kisam tam lai mahmah a hih manin thungetna leh piakkhiatna tawh mapang khawm ciat ni.
Siampi suak ding Sang Naupang ih neih manin ih Biak Topa Pasian tungah lungdam ko ciat ni.