Misiangtho Francis de Sales

Bishop Geneva cih min nei, Misiangtho Francis de Sales in Piantit gam, Savoy khua-ah 1567 kumin suak hi. A neu tung pankipan a nuntakna Pasian ading ap ding cih a lung lut mah bangin a tawntung in siangtho tak in om ding kiciam in Tonu Maria ii hehpihna sungah ki-ap hi. Paris ah pilna a sin khit ciang, kum (24) aphak hun ahi,1593 kumin apa phal na tawh Siampi Ordination a ngah khit ciangin Protestante uk na ahi, a lauhuai mahmah Chablais a cih na ah Pasian thu tangko in pai ding thu kim hi. Nitak khat Gia khat in amah to ahih manin amah singkung tung kah to in tua zan singkung tungah om cip hi.
A zingsang ciangin si dektak aa aom, Francis De sales pen “Pasian teel sa mite in thupha hang bek tawh hotkhiatna ngah ding uh hi” cih upna anei mi pawlkhat in mu uh ahih manin na khoi uh hi. Francis De sales ii it na leh pilna ciimna tawh a thugen na hangin tua mi te Catholic Pawlpi sungah lut uh hi. 1595 kumin amah that dingin Laisiangtho tawh a kiciam, mithatpa’ simna nih vei vilvel a tuak hangin lamdang takin sihna tawh kipelh hi. Ama Pasian nasepna te kawmkal pan ahun ngah sunin Pawlpi hilhcianna te a kizelh nadingin laibu tampi gelh hi.
Francis a tun cil in thuzui 20 khawngbek aom hangin kum 4 asawt ciangin mi tul tampi Pawlpi sungah lut uh hi. Ama Pasian nasepna akhantohna bulpi a kidawt ciangin Francis in “It na masuanin thugen mi khat in kinial nading thu kamkhat beek a gen kei hangin upna khialte khauhtakin hilh zo hi” ci-in dawng hi. 1602 kum, Geneva Siadaw dingin teelna angah pankipan, Francis in Pasian thu hilhna leh mawhsut ngaihna te tawh lawptakin nasem hi. Amah pen thunuam in midangte ahuh den khat a hih bek thamlo, mikhempeuh tungah hehpihna lak den hi. “It na cih in tehpih ding om lo, ciangtanna nei lo hi” cih lai Francis in gelh hi.
Martin cih minnei, a benggong khat, a inn ah samin khut leh khe tawh pau theihna pilna leh Christian upna te hilh ahih manin Misiangtho Francis in benggongte belh misiangtho suak hi. 1610 kumin Misiangtho Jane Francis de Chantal huhna tawh “Tonu Maria Elizabeth kiangah ahawhna Congregation” phuan khia hi. Francis de Sales in a kam pan “Jesu” a cih kawmin 1622 kumin, Lyons khua ah si hi. Misiangtho Francis de Sales pen benggongte a huh misiangtho in kiciamteh hi.
Misiangtho Francis de Sales aw….Ko te adingin thu hong ngetsak tan.