Nisim Lungdamna Laisiangtho (Lk 1;1 - 4,14 - 21)Jan 23.2022, Sun

1. Mi tampi in eite’ laka a piangsa thute na gelh khin uh a,

2. a kipat cil-a kipan mit-a a mute le thu’ aading nasemte in eite’ tungah hong hilhsawn mah bangun,

3. a zahtak-huai Theophiluso aw, keimah in zong tua thute khempeuh a kipat cil-a kipan limtaka ka kantel khit ciangin a thu kizomin nang aadingin gelh le’ng hoih ding hi, ci-in ka khensat hi,

4. tua bangin nang tungah a hong kihilhsa thute khempeuh tawh kisai thuman thutak na theihna dingin kong gelh ahi hi.

14. Nang nuamin na lungdam dinga, ama suahna hangin mi tampite zong a lungdam ding uh hi.

15. Bang hang hiam cih leh, tua tapa in Topa’ mai-ah mi lian ahi ding hi. Amah in leenggahzu le kham theih zu dawn lo ding hi. Amah in a suahma nangawnin Kha Siangtho tawh kidim ding hi.

16. Amah in Israel mi tampite, Topa amau Pasian’ kiangah a tunpih kik ding hi.

17. Amah in pate’ lungsim tate’ lamah kiheisak dinga, a thu mang lo mite, midikte’ pilna lampi ah kiheisakin Topa’ aadingin mite a baihsa-a, a koihkhol dingin Elijah’ kha le vangliatna tawh Topa’ mai-ah a pai ding hi,” a ci hi.

18. Zechariah in tua vantung mi’ kiangah, “Kei ka teek ta a, ka zi zong a kum tam ta hi. Hih thu bangci muan ngam ding ka hi hiam?” ci-in a gen ciangin,

19. vantung mi in, “Keimah in Pasian’ mai-a ding Gabriel(d) ka hi hi. Hih lungdamna thu nang tunga a gen ding le nang hong hopih dingin kei hong kisawl hi.

20. Ahi zongin tu-in, hun a cin ciangin a tung takpi ding ka thugente um lo na hih manin hih thu a tun mateng pau thei loin na om ding hi,” a ci hi.

21.Tua hun sungin mipite in Zechariah na ngak uh a, mun siangtho sungah sawtpi a om ciangin lamdang a sa uh hi.