Nisim Lungdamna Laisiangtho simna. (Mk 3;13 - 19) Jan 21.2022. Fri.

13. Mual tungah Jesu kahto a, ama deih mite a sap khit ciangin ama kiang ah amaute a pai uh hi.

14. Tua ciangin amah in nungzuipite ci-a min a vawh sawm le nihte teelkhia-a, amah tawh a omkhawm ding, lungdamna thu a tangko ding, le

15. dawite a hawlkhia dingin, thu neihna za a pia hi.

16. Tua ahih manin sawm le nihte in: Simon (Peter min a piak);

17. Zebedee’ tapa James le a sanggampa John (Vanging’ Tapate cihna ahi, Boanerges ci-a min a piak);

18. Andrew, Philip, Bartholomew, Matthew, Thomas, Alphaeus’ tapa James, Thaddaeus, Cana mi Simon

19. le amah a lehhekpa Judas Iscariot-te ahi uh hi.