Lungdam pawi hunsung, Lungdamna Laisiangtho simna. (Jan 6.2022)

Lk 4 : 14 - 22
14. Tua ciangin Jesu in hih thu kuama kiang ah a gen lohna dingin amah thu a pia hi. Jesu in,“Pai inla, siampipa’ kiangah va kilak in. Amaute in na sian lam a theihna dingun Moses’ thupiaksa bangin biakapna vante va pia in,” a ci hi.

15. Ahi zongin tu-in ama thu kizel semsem a, ama thugen a ngai ding le a natnate uh a damsakna ding deihin mihonpite a va pai uh hi.

16. Ahi zongin amah gamdaihna ah paikhia-in thu a ngen hi.

17. Ni khat Jesu in thu a hilh laitakin, Jerusalem khuapi, Galilee gam le Judea gam khua khempeuh pana hong pai Pharisee-te le thukham hilhsiate amah tawh a kinaina munah a tu uh hi. Cinate a damsakna ding Topa’ vangliatna Jesu tawh a om hi.

18. Tua khit phetin mi pawlkhat in khut le khe zaw mi khat a lupna tawh hong pua uh a, inn sungah paipihin, Jesu’ mai-ah koih ding a hanciam uh hi.

19. Ahi zongin mihonpite’ hangin Jesu’ kiang a tut theihna ding uh lampi a muh theih loh uh ciangin inn khum ah kahtohpih uh a, a delhphah tawh cinapa Jesu’ mai mite lakah a khiasuk uh hi.

20. Jesu in amaute’ upna a muh ciangin, “Lawm aw, na mawhnate kimaisak zo hi,” a ci hi.

21. Tua khit ciangin Pharisee-te le lai siangtho siamte in, “Pasian’ le a siangtho nate a gensia hih pa kua ahi hiam? Pasian longal kua in mawhna maisak thei ahi hiam?” ci-in a ngaihsun uh hi.

22. Jesu in amaute’ ngaihsutna a theih ciangin, “Note in bang hangin na lungsim sung uh ah hih thute ngaihsun na hi uh hiam?