Catholic Nisim Lai Siangtho. Hun Nautaang Nipikaal (20) Na (TUE.) August 20.2019

Lungdamna Lai Siangtho.
(Mt. 19: 23-30)

23. Tua khit ciangin Jesu in a nungzuipite’ kiangah, “Ken a man takpi kong genin ah, mihaute vantung gam sungah a lutna ding haksa mahmah hi.

24. Ken kong genkikin ah, Pasian’ gam sungah mihau khat a lut ding sangin, kalaoh khat phimbil vang sungah a lut ding baihzaw lai hi,” a ci hi.

25. Nungzuipite in hih thu a zak uh ciangin, lamdangsa mahmah uh a, “Tua bang ahih leh, kua in hotkhiatna ngah zo peuhmah ding ahi hiam?” a ci uh hi.

26. Ahi zongin Jesu in amaute en a, “Hih thu pen mihingte’aadingin hi theilo hi, ahi zongin Pasian’ aadingin na khempeuh hi thei hi,” a ci hi.

27. Tua ciangin Peter in, “En in, kote in na khempeuh nusia-in, nang kong zui uh hi. Tua ahih manin kote in bang ngah ding ka hi uh hiam?” ci-in a dong hi.

28. Jesu in amaute’ kiangah, “Ken a man takpi kong genin ah, na khempeuh a thaksuakin, Mihing’ Tapa in a minthanna tokhom tungah a tut ciangin kei hong zui note in zong thukhenna tokhom sawm le nih’ tungah tu-in Israel minam sawm le nihte’ tungah thu na khen ding uh hi.

29. Keima hangin a inn, a lo, a sanggamnu, a sanggampa, a nu a pa le a tate a nusiate peuhmah in a zah za khat ngah ding uh a, nuntak tawntungna zong a luah ding uh hi.

30. Ahi zongin a masa mi tampite nunung ding uh a, a nunungte masa ding uh hi.

Hih in Topa’ lungdamna Lai Siangtho ahi hi.