Catholic Nisim Lai Siangtho. Hun Nautaang Nipikaal (20) Na (MON.) August 19.2019

Lungdamna Lai Siangtho.
(Mt. 19: 16-22)

16. Tua khit ciangin mi khat a kiangah hong pai a, “Sia aw, nuntak tawntungna ka ngah theihna dingin, bang gamtat hoih ka gamta ding hiam?” ci-in a dong hi.

17. Jesu in, “A hoih thu kei kiangah bang hangin hong dong na hi hiam? Mi hoih khat bek a om hi. Nuntak tawntungna na ngah nop leh Pasian’ thupiakte(b) na zui in,” ci-in a dawng hi.

18. Tangvalpa in, “Bang thupiakte zui ding ka hi hiam?” ci-in a dot ciangin Jesu in, “Mi na that(c) kei ding hi; numei le pasal mawhna na bawl kei ding hi; Mi’ neihsa na guksak kei ding hi; zuau teci na pang kei ding hi;

19. na nu na pa zahtak in; nang le nang na ki-it bangin na vengte na it in,” a ci hi.

20. Tua tangvalpa in, “Tua thu khempeuh ka zui khin hi. Bang kisam lai ka hi hiam?” a ci hi.

21. Jesu in, “Na picin nop leh pai-in na neihsa khempeuh zuak inla, mizawngte’ tungah na sumte pia in. Tua hi leh, vantung gamah na manpha na nei ding hi. Tua ciangin hong pai inla ka nung hong zui in,” a ci hi.

22. Tangvalpa in hih thu a zak ciangin maikhingin a paikhia hi. Bang hang hiam cih leh, amah in neih le lamh tampi a nei hi.

Hih in Topa’ lungdamna Lai Siangtho ahi hi.