Catholic Nisim Lai Siangtho. Hun Nautaang Nipikaal (19) Na (WED.) August 14.2019

Lungdamna Lai Siangtho.
(Mt. 18: 15-20)

15. “Na sanggampa na tungah hong khialh leh ama kiangah pai inla, note gel bek theihin a mawhna va gen in. Na thu hong man leh na sanggampa a ngahkik na hi hi.

16. Ahi zongin na thu hong man nop kei leh teci nih ahih kei leh thum a om ciangin thu khempeuh thukip suak ahih manin mi dang khat le nih zawnin na pai in.

17. Amah in amaute’ thu a man nop kei lai leh pawlpi’ tungah na ko in; pawlpi’ thu nangawn a man nop kei lailai leh, Gentile mite ahih kei leh siahdongte bangin na ngaihsun lel in.

18. A man takpi kong genin ah, leitunga na hen peuhmah uh vantung ah kihen dinga, leitunga na phel peuhmah uh vantung ah kiphel ding hi.

19. Ken a man takpi kong genkikin ah, leitung ah note nih kithutuakin na nget uh na khat peuhpeuh vantung a om ka Pa in hong pia ding hi.

20. Bang hang hiam cih leh, keima min tawh mi nih le thum a kikhop uh leh, tua mun-a amaute’ laizangah kei ka om hi,” a ci hi.

Hih in Topa’ lungdamna Lai Siangtho ahi hi.