Mi Siangtho John Berchmans

Mi Siangtho John Berchmans aw, Kote a dingin thu hong nget sak in.

St. John Berchmans
Feastday, August 13
       John, 1599 kumin Belgium gam khuaneu khat ah a suak hi. John a neu lai-a kipan Missa ngaih leh thunget a hanciam mahmah hi. Kum 9 a phak ciangin a nu a dam kei hi. Nisim a sangkah hun simloh a hun neih khempeuh ah a nu a kem hi. Siampi a suak nuam khangnote a pantah siampi khat kiangah kum 3 sung a om hi. 
Tua khit ciangin John, Rome khua-a Jesuit siampi sinna sangah a lut hi. Tua sang panin a dam kei hi. Amah in singlamteh, khi thu-ngetna leh Jesuit siampi pawlte’ zuih ding thu meilette a kigelhna laibute a awm tungah koihin hihte in ka suang manpha thumte ahi hi. Hih suang manphate tawh kipaktakin ka si nuam hi, a ci hi. A mittangte tawh singlamteh bekbek enkawm gige-in 1621 kum august kha ni 13 ni-in a si hi.
      1888 kumin Pope Leo XIII in misiangtho suak hi, ci-in a tangko hi. Amah pen Missa hun sunga tuanvai a sem (tazathauh) khangnote, Siangtho Pumpi leh Tonu a it khangnote a cing a kempa ahi hi. Misiangtho Berchmans in, “Ka neulai mahin misiangtho ka suah kei leh cikmah hun ciang ka suak zo kei ding hi,” a ci hi.