Mi Siangtho Lawrence

Mi Siangtho Lawrence aw, Kote a dingin thu hong nget sak in.

St. Lawrence

Feastday, August 10

         St. Lawrence in Rome khuapi-a biakna nasem deacon sagihte’ sung pan amasa pen ahi hi. Ama nasep pen pope in Missa a bawl ciangin a kisam teng huh-a mipite Siangtho Pumpi a pia hi.

         Tua tham loin Pawlpi’ sumkem leh thuzui mite’ piakkhiat sum leh vante, mizawngte’ tungah a hawmkhiatsakin zong a pang hi.

         Khuapi ukpa in pope Sixtus II thah dingin khua pua ah a paikhiatpih laitak St. Lawrence kapkawmin pope tawh ka si khawm nuam hi, a cih leh pope in kap kei in, ka ta aw, ni thum khit ciangin ka nung na hong zui kha ding hi, a ci hi. Tua ciangin Lawrence zong kimanin khuapi ukpa in Pawlpi’ sumte amah a apna dingin thu a piak ciangin Lawrence in mizawngte leh cinate a kaikhawmsak hi. Tua khit ciangin khuapi ukpa’ kiangah hih mite in Pawlpi’ sumpite ahi uh hi, ci-in a gen hi.

         Lawrence’ thugen, mitampite’ lungsim a phawng den thu khat in, tausang tung khat ah Lawrence koih uh-a, mei tawh a hal uh ciangin ka pum lang khat mei in kang khin ta ding ahih manin a lang khat lamah hong hei leuleu un, a ci hi. Tua bangin mei tawh kihalin AD 258 kumin Lawrence a si hi.