Daily Reflection by Cate. Joseph Hau Kap

Daily Reflection by Cate. Joseph Hau Kap
Hun Nautaang Nipikaal (18) Na
(FRI.) August 9.2019

Lungdamna Lai Siangtho.
(Mt. 16: 24-28)

24. Tua khit ciangin Jesu in a nungzuite’ kiangah, “Mi khatpeuh in ka nung hong zuih nop leh ama deihna nialin, ama singlamteh pua-in ka nung hong zui hen.

25. Bang hang hiam cih leh, ama nuntakna pammaih a kisate in a nuntakna suplawh ding hi. Keima aadingin a nuntakna a suplawhte in nuntakna a ngah ding hi.

26. Mi khatpeuh in leitung buppi a neih hangin a nuntakna suplawh leh ama aadingin bang phattuamna om ahi hiam? Ahih kei leh ama nuntakna bang tawh khek thei ding ahi hiam?

27. Bang hang hiam cih leh mihing’ Tapa in a Pa’ minthanna tawh a vantung mite tawh hong pai ciangin mi khempeuh amaute’ gamtatna tawh kizui-in a thukkik ding hi.

28. A man takpi kong genin ah, Mihing’ Tapa, ama Kumpi Gam sungah a hong pai a muh ma-un a silo ding mi pawlkhat hih lai-ah a ding uh hi,” a ci hi.

Hih in Topa’ lungdamna Lai Siangtho ahi hi.

- Christu Topa aw, nang tungah phat na om ta hen.