Kha nuntakna dingin ki ging khol ding maw, leitung nuntakna dingin kiging khol zaw ding

Tuni Lungdamna Lai Siangtho sungah Pharisee pa leh mawhnei numei khat thu ih za hi. Hih thupiang ih et ciangin mawhnei numeinu in Topa Jesu amuh ciangin kikhel hi. Amawhna kiphawk hi. Pharisee pa ahih leh Topa Jesu a innah an a vak hangin amah in kha ading akiging khol hi lo-in leitung nuntakna ding bekin a kiging khol ahih manin Topa Jesu om zia enphot in hih mipa in kamsang taktak ahih leh hih numeinu koi bang mi hiam cih thei ding hi cih zah dongin ngaihsun hi.
Tua ahih manin Pharisee pa in Topa Jesu a innah samin an a vak hangin kha ading kiginkholhna hi lo-in leitung vang leh min deihna bek ahih lam teltakin ih mu hi. Ahi zongin mawhnei numeinu ahih leh Topa Jesu amuh ciangin amawhna kikhel in kisik kik in kha nuntak na ding ki gingkhol ahih manin aneih lian bel ahi sathau namtui hong tawi-in Topa Jesu kiangah hong pai-in akhe te sathau namtui nuhsakin amit tui tawh silhsakin a sam tawh nulsak cih bangin a itna alah ciangin Topa Jesu in bang ci hiam cih leh ‘na mawhna kong mai sak hi’ ci hi.
Tua in hi numeinu in tawntung nuntak nopsakna angah hi ta hi. Ei te khat ciatin tuni in bang ci bangin ih gingkhol hiam. Hih Lai Siangtho sungah bang kimu thei hiam cih leh Topa Jesu a um te in mite mawhna mulo in ama mawhna kisik kik hi. Ei te khat ciatin zong ih mawhna te kiphawkin Topa Jesu kiang zuanin ih mawhna te kisik kik in thupha tampi ih bawl zawh nang han ciamni.