Thukham lak ah athupi pen in Pasian it ding leh mite it ding ahi hi.

Daily Homily by Rev. Fr. Thomas Tuang (Aug 20, 2021)

Tuni laisiangtho sungah bang muthei ih hiam cih leh ih nuntakna ah bang thupi pen hiam cih ih ngah sut ding hong phawk sak hi. Itna nei ten mite tungah hehpihna nei aa, itna neilo ten ahih leh hehpih theihna neilo uh hi. Khat le khat ki-itna, ki don na te in Pasian kiang pan hong pai itna ingah na leh ih nuntakna ahi hi. Tua ahih manin Topa Jesu in Pasian it ding leh midangte ih it ding hong thei sak hi.