Misiangtho Bernard of Clairvaux

Misiangtho Bernard in 1091 kumin Piantit gam, Bungundy ah suak hi. Anu makaih siamna hangin aman Pasian thu hamciam mahmah aa, kum 22 aphak ciangin zateih khat suak hi. 1113 kumin St. Stephen leh alawmte (30) zateih sangah lutna ding phalna pia hi.

Bernard ii kha lam khantohna in zateih sangah manlang takin minthang hi. Kum 3 khit ciangin zateih 12 te amakaih dingin teelna ngah hi. Ama ii thu vaihawm siamna, Pasian a itna, a cihtakna, a siangthona, nuntakna sungah hangsan takin a kalsuan zawhna te hangin mitampi kaikhawm zo hi. Kumpipa tapa nangawnin zateih sangah om ding lunggulh hi. Zateih Makai khat in kum 37 sung sem aa, tua sungin zateih sang 136 lam zo hi. Ama zateih te in Germany, Shewden, Island, England, Portugal leh Italy gam te ah mission nasepte semin om uh hi. Tua ahih manin amah pen St. Benedict ii 2rd Order aphuan pa ci-in minthang hi.

Aman cihtakna deih mahmah in pilna lamah zong siam mahmah hi. Mitampi te kaikhawm zo in mihing hihna te hilh hi. Pope pa ii huhngetna hangin a kimuthei mikhat ciat ii siangthona thu gelh in tua sungah neih leh lamh te in nambat nihna hi pan hi ci-in gelh hi. Tua ahih manin ama min nihna pen Second Crusade ci-in ki sam hi. 1144 kumin a lian bel Siampipa in Bernard pen Crusade thu gen sak aa, Germany leh Piantit pau te tawh gen hi. Mitampi in ama thu genna hangin Pasian um uh hi. Bernard in 1153 kumin si a, Khuai khawite leh khuaimei bawlte ahuh Misiangtho in kiciamteh hi.