Dawite in a Siangtho te lau aa, a niinte deih bawl uh hi.

Daily Homily by Rev. Fr. Thomas Tuang ( Aug 7, 2021)

Tuni in ih upna picing in ih upna a zungkhak leh tua te tawh kizui in na lamdang piang hi cih pen ih muthei hi. Nungzuipite mahmah in upna neu kha ahih manin na lamdanng a sep uh hangin sem zolo uh hi. Tua ahih manin eite aading a thupi in Misiangtho te thapiakna te dawilut a om leh an tang thungen in dawi hawlkhia zo hi. Tua ahih manin eite in dawi pen ih sim mawh khak loh ding thupi hi. Pawlkhat ten banmah kigin kholh loh pi-in thungetna lim takin neilo pi dawi a hawlkhiat ciang un hawlkhia zolo hi. Dawi hawlkhiatna anei dingte in kiging kholhna, kidekn, nek le dawn ah kidopna, mawhna khialhna panin kidopna, thungetna, piak khiatna cih ei lampan kidal nading ih galvan dingte ih neih khit ciangin dawi hawlkhiatna neizo pan ding hi hang. Tua ahih leh dawite in hong lau pan ding hi. Dawite in a Siangtho te lau uh hi. Tua ahih manin dawite lau theih nadingin thunget ih hat ding kisam hi. Topa sungah ih nuntak ding kisam hi.