Ama vangliatna khempeuh in Pasian kiang pan ahi hi.

Daily Homily by Rev. Fr. Thomas Tuang (July 10, 2021)

Tuni ih lung ngaih dingin kihtatna thu, patau dipkuatna thu te ih lung ngai nuam hi. Banghang hiam cih leh tuni lungdamna laisiangtho sungah ih patauh dipkuatna te Topa Jesu in bang hong gen hiam cih te ih et ciangin mihing te patau thei, dipkua thei, lau thei i hih lam hong kilang hi. Topa Jesu asep peuh abawl peuh alang pang anial te kimu thei hi. Amah asang lo te, amah adeih lo te in Topa Jesu pen na lamdang asep te, hoihna phatna a bawl te pen Beelzebub kiang pan angah ahi hi cimawk uh hi. Hih thu tawh kisai in Topa Jesu in Sia sangin a nungzuite cik mah in pil zaw ngeilo, lian zaw ngeilo hi. Na sempa sangin sila pa cik mah in lian zaw ngeilo hi na ci hi. A cih nopna ah Beelzebub in ama nuai aa omte sangin lian zaw hi. Hih thu te ih lung ngaih ciangin Topa Jesu in Beelzebub kiang pan hong pai thuneihna tawh na asem hi peuh mah lo hi. Ama vangliatna khempeuh in Pasian kiang pan ahi hi.