Catholic Nisim Lai Siangtho, Hun Nautaang Nipi (14) Na, July 4, 2021 (SUN)

Lungdamna lai Siangtho (Mark 6: 1-6)

1. Tua mun panin Jesu paikhia-a ama teenna khua ah a pai hi. A nungzuite in zong ama nung a zui uh hi.2. Sabbath ni a tun’ ciangin kikhopna inn ah thu a hilh hi. Mi tampite in a thugen a zak uh ciangin, lamdang a sa uh hi. Amaute in, “Hih mipa in hih thute koi panin a ngah ahi hiam? Na lamdang nangawn a bawl theihna dingin ama tunga kipia hih pilna bang ahi hiam? Ama khut tawh hih na lamdangte bangci banga bawl thei ahi hiam?*3. Amah in khut siampa’ tapa hilo ahi hiam? Maria’ tapa hi a, James, Joseph, Judas le Simon-te’ sanggampa hilo ahi hiam? A sanggam numeite ei tawh omkhawm uh hilo ahi hiam?” ci-in a gen uh hi. Amaute in ama hangin a lungkia uh hi. 4. Jesu in amaute’ kiang ah, “Kamsangpa in ama inn, ama khua, ama tanaute’ kiang longal mun dangah pahtawina a ngah hi,” a ci hi. 5. Tua lai-ah amah in mi cina tawmkhatte’ tungah a khut nga-in a damsak simloh, na lamdang bawl lo hi.6. Amah in amaute’ uplohna lamdang a sa hi. Tua khit ciangin Jesu in a kim a om khuaneute ah thuhilhin a pai kawikawi hi.

Hih in Topa' Lungdamna Lai Siangtho ahi hi.