Catholic Nisim Lai Siangtho, Hun Nautaang Nipi (14) Na, July 5, 2021 (MON)

Lungdamna lai Siangtho (Matthew 9: 18-26)

18. Jesu in hih thute amaute’ tungah a gen laitakin, kikhopna inn’ makai khat hong pai a, a mai-ah khukdinin, “Ka tanu tu mahmahin a si hi; ahi zongin hong pai-in ama tungah na khut nga lecin amah hong nungta kik ding hi,” a ci hi.19. Jesu zong dingto-in, a nungzuite tawh tua mipa a zui uh hi.20. Tua khit ciangin kum sawm le kum nih sung tawntung siluang natna a nei numei khat in thakhatthu-in Jesu’ nungah hong nehin a puantualpi mongteep a lawng hi,21. bang hang hiam cih leh tua numei in, “A puantualpi lawng kha leng damna ka ngah ding hi,” ci-in a lungsim sungah a ngaihsun hi.22. Jesu kihei a, tua numei a muh ciangin, “Ka tanu aw, kilung khauhsak in. Na upna in nang hong damsak khinzo hi,” a ci hi. Tua laitak mahin tua numei a dam pah hi.23. Makaipa’ inn ah Jesu a tun ciangin tamngai mutte le mipi a gamlum mu a,24. amaute’ kiangah, “Paikhia un; numeino a si hi lo hi, a ihmu(a) ahi hi,” a cih ciangin, amaute in zahpihin a nuihsan uh hi.25. Ahi zongin mi honpite a pusuah khit uh ciangin Jesu hong tumin numeino’ khut a let leh, tua numeino a tho to hi.26. Hih thupiang gam sung khempeuh ah kizelin a thang hi.

Hih in Topa' Lungdamna Lai Siangtho ahi hi.