Ih pawlpi aa dingin thungen ni

Daily Homily by Rev. Fr. Thomas Tuang ( June 29, 2021)

Ih pawlpi aa dingin thungen ni. Ih pawlpi Kha siangtho makaih na tawh Topa Jesu deihna bangin anuntak zawh nading, ze-et na tuamtuam te tawh i kido zawh den nading leh hoih loh na te ih kantan den zawh nading in thu ih nget ding ahi hi. Peter in zong atun na peuh ah Topa Jesu a upna khiam ngeilo hi. Nang in a nungta tawntung Pasian tapa na hi hi acih mah bangin eite in ih haksat hun ahi zongin, ih nuam hun ahi zongin Topa Jesu pen anungta tawntung Pasian tapa honpa gumpa ci-in ih kam pan i gen tangtang ngam ding pen nakpi takin thupi hi.