Lungphona anei mipite ahuh Nungak Siangtho nu Siadaw Francis DawTang in Pahtawi

.28.2.2021

Myitkyina, Mali Gindai Clinic(ေဆးခန္း) sungah abuu lungphona anei mipi 100 kiim Palik leh Galkap ten amat sawm laitakin Sr. Rose Lasang Nu Tawng in mipite aading khukdin in thumsak ahih manin Myitkyina Siampi uk, Siampi Lian Francis DawTang in Nungak Siangtho nu Pahtawi hi. 

A thupiang in, 28.2.2021 ni-in Myitkyina Myo, Aung Nan veng aa Mali Gindai Clinic(ေဆးခန္း) mai lian ah Palik leh Galkap ten daitakin lungphona anei mipi 100 kiim zawhthawh thu tawh khen in mat sawm ahih manin mipi te Mali Gindai Clinic sungah kibu uh hi.

Tua bangin aki buk uh hangin Palik leh Galkap te Clinic sung dong ah pai uh aa, mipite manin a sat sawm laitak clinic ah vaipuak nei  S. F. X Nungak Siangtho ahi Sr. Rose Lasang Nu Tawng in mipite bangmah acih loh na ding un Palik leh Galkap te mai ah kapkawm aa khukdin in thum hi.

Tua ahih manin Tuni March 1 ni zinsang in Myitkyina Siampi uk, Siadaw Francis DawTang in Holy Mass bawlin Topa Jesu itna lak aa mipite lam mapangin ahun Sr. Rose lasang Nu Tawng pahtawi hi. 

Source - RVA Kachin, RVA Myanmar