Covid-19 hun sung aa hongtung ding Zehtanhun lutni in Vut Siangtho kinuh dan ding lamlahna

A lianbel Siampipa Pope Francis in vut thupha apiak khit ciangin bang mah pau lo in vut te tungah tuisiangtho theh hi. Tua khit ciangin Catholic lamlak laibu sungah akigelh “ki sikkikin lungdamna thu um un” ahih kei leh “nangin leivui na hi a, leivui ah na ciah kik ding thu phawk in’’ cih lungngaih ding thu pen thuzui khempeuh in azak dingin khat vei gingtakin genkhia hi. Khat vei bek agen na-in mikhempeuh ading ngimna tawh agen ahi hi. Tua zawh ciangin Siampi pa in akhut silin muktuam (Mask) thuahin thuzuite amai lam ah pai-in vut siangtho kinuh uh hi. A hih theih leh thuzuite amau mun tek ah dingin Siampipa amaute kiangah pai dinga, bangmah gen lo in mi khatciat ii lutungah vut siangtho nuh(theh) sak ding hi. Biakpiakna leh Sacramentu te bawl nading tawh kisai zuih ding thu te alianbel Siampipa Pope Francis zum pan 2021.1.12 ni-in ki taangko hi.