St. Andrew Dung Lac leh apawlte

Tuni, Veitnam gam ah, 1745-1862 kum hunsungin, up na hangin thatna athuak Andrew Dung Lac leh apawlte ahi, mimal 117 te phawkna pawi-ih bawl hi. Amau te in Pawlpi tangthu sungah thakhat in Misiangtho asuak mitampen te ahi uh hi.

Mimal 96 te in Vietnam minam hi a, 11 in Spain gam, Dominican congregation pan Pasian thu tangko ding aa, apai te hi-in, 11 te in MEP te ahi uh hi. Amau te pen St. Pope John Paul II in 1988 kumin misiangtho suak hi ci-in tangko hi. Hih Misiangtho te pen Vietnam gam acing akem Misiangtho te in kiciamteh hi.

Misiangtho Andrew leh apawl te aw...ko te adingin thu hong ngetsak un.