St. Cecilia

Misiangtho Cecilia minnei thuzui te khempeuh Happy Feastday ci-in kongmuak hi.

Misiangtho Cecilia in, Rome khua mi, mihau innkuan sungpan kum zalom 2 hun pawlin suak hi. A khantawnin pasal neilo in om ding akiciam hangin anulepa te sawlna tawh Valerian tawh kiteeng hi.

Mopawi bawl hunsung nangawnin Cecilia in alungsim sungah Pasian phatna la sa in om hi. A inn khan sung atun uh ciangin Cecilia in Valerian lungsim kikhel sak a, nupa bangin om lo-in Pasian thu bek tawh nuntak nading thukim uh hi. Valerian in tuisawpna angah khit ciangin Vantungmi khat in lingpaak tawh akibawl lukhu pen Cecilia lutungah a khuk sakna amu hi.

Cecilia in Valerian ii sanggampa ahi, Tiburtius zong kikhel sak a, 192 kum, Commodus ah Pawlpi akibawlsiat mahmah laitak in Valerian leh Tiburtius te unau in Pagus Triopius ah upna hangin thahna thuak uh hi. Amau sih khit asawt lo in Cecilia zong kiman in Prefect Almachius kumpi pa mai-ah ama upna amanna thu hangtakin agen khit ciangin thum vei vilvel ngawngtan na thuak a, ni thum sung a thuak khit ciangin si hi.

A sih khit ciangin a luang pen St. Calistus leinuai hanah ki vui a, asawt ciangin Trastevere aom St. Cecilia Biakinn ah ki tuah kik hi. 1599 kumin ama luang kisia lo in aihmu bangin aom kimu hi. Biakinn sungah akitum Organ pen Cecilia pat khiat ahi hi. Cecilia pen lasiamte a cing akem misiangtho in kiciamteh hi.

Misiangtho Cecilia aw....Ko te adingin thu hong ngetsak tan.