St. Elizabeth of Hungary

Hungary gam acing akem St. Elizabeth in 1207 kumin, Pressburg ah suak hi. Amah pen kumpi Andrew II ii tanu hi a, kum (14) aphak hunin Thuringia khua mi ahi, Louis cih tangval khat tawh kitengin ta 3 nei uh hi.

Ama siangtho na leh it huaina in alawmpa it na khang sak semsem a, khualzin a ciah sialin letsong a puakden ban ah azi ataisan sangin mual bangin a kiciang kham tampi taisan nuam zaw ing ci-in gen den hi.

Kum tawm khat khit ciangin Louis in Crusade gal ki-do dingin Tembaw tawh apaina Otranto ah Palauge natna ngah in si hi. Aluang pen Germany ah pua kik in Elizabeth in akah kawmin “Leitung leh nopsakna khempeuh, kei adingin si khin hi” ci hi. A sawt lo in third order of Franciscan congregation ah lut in kuamah tawh kiteeng nawn lo dingin khen tat hi.

Elizabeth in ama anunung hun te, ama lamsa ahi Marburg zato ah cina te en kawmin, mizawng tampi te huh na tawh bei sak hi. Kum (24) aphak hun, 1231 kumin si a, amah kha lam amakaih Siampipa in “amah bangin cina te leh mizawngte ading na asep banah lunglut takin thu angen thei numei ka mu ngei kei hi” ci hi. St. Elizabeth pen meigong te, om nading inn nei lo te leh nurses te acing akem misiangtho hi.

Misiangtho Elizabeth aw....Ko te adingin thu hong ngetsak tan.