A ki gingsa in om ni ci-in Bishop Felix tungpan kha-an vakna

A ki gingsa in om ni. Tuni LST sunah mopi pawi thu ih za hi. Nungak te in meivak tawh a lam na uh in monu leh mopa in meivak bangin tangin nuntak nuam in na om un cihna ahi hi. Thukhen ni ciangin Topa in ih gamtatna te khempeuh thu hong khen ding hi. Nang leh kei in maitai ding maw maizum ding ih gam tatna te pen ki gai ding hi. Eite in ih nuntak sung tawntung ih gamtatna te hong ki tawikhai ding aa koi lam in a lek ding hiam? Topa hobgpai ding ngak in ih om na ah lungkia lo in upna tawh ih nuntak ding han ciam ni. Lungdamna Lai Siangtho: Mt. 25:1-13. 1. “Tua khit ciangin vantung gam in a meivakte uh kengin mopa dawn dinga a kuankhia nungak sawmte tawh kibang ding hi. 2. Tua nungakte’ lakah ngate pilvang lo a, a dang ngate a pil uh hi. 3. A pilvanglo nungakte in meivak a tawi uh hangin meitui keng lo uh hi. 4. A pilvangte ahih uh leh, meivak le thawl sungah meitui a keng uh hi. 5. Mopa tung hak lua ahih manin a vekun lusu-in a ihmu uh hi. 6. Ahi zongin zankim laitakin, ‘En un, hih lai-ah mopa hong tung ta hi! Pai-in dawn un!’ ci-in a kitangko hi. 7. Tua ciangin tua nungak sawmte tho-in a meivak ciat uh a puah tek uh hi. 8. A pilvanglo nungak ngate in a pilvangte’ kiangah, ‘Ka meivak uh mit hi, na meitui uh hong hawm un,’ a ci uh hi. 9. Ahi zongin a pilvangte in, ‘Hong hawm le-ung no aading le ko aading meitui kicing lo ding hi. Meitui zuakte’ kiangah pai-in no aading meitui va lei un,’ a ci uh hi. 10. Amaute in meitui lei dingin a pai kalun, mopa hong tunga, a kigingkholsa nungakte, mopa tawh mopawi ah a lutkhawm uh hi; tua ciangin kong a khak uh hi. 11. Tua nung ciangin, meitui lei dinga pai a pilvanglo nungakte hong pai uh a, ‘Topa, Topa, kote zong kong hong hon in,’ a ci uh hi. 12. Ahi zongin amah in, ‘Ken a man takpi kong genin ah, note kong thei kei hi,’ ci-in a dawng hi. 13. Tua ahih manin Mihing’ Tapa hong pai ding a ni le a hun thei lo na hih manun a kigingsa-in na om un. Hih in Topa' Lungdamna Lai Siangtho ahi hi. #DailyGospelReading, #RVATedimChinService, #Chin,