Mawhna pan a ki sikkik te Jesu in hongsang hi

Sia Joseph Hau Kap tungpan tuniLungdamna Lai Siangtho: Luke 15: 1-10 na bulphuh in kha-an vakna 1. Tu -in siahdongte le mawhneite Jesu’ thu ngai dingin a kiangah hong pai uh hi. 2. Pharisee-te le lai siangtho siamte in, “Hih mipa in mawhneite tawh kikhawlin amaute tawh an a ne khawm hi,” ci-in a ko uh hi. 3. Tua ahih manin Jesu in amaute’ kiangah hih thugentehna a gen hi: 4. “Note’ lakah mi khat in tuu za khat nei-in, tua lakah tuu khat mangsak leh, tuu sawmkua le kua gamlak ah nusia-in a mang tuu khat a muh matengin a zong lo ding kua om na hi uh hiam? 5. A muhkik ciangin lungdamin a liangko tungah pua-in, inn ah a ciah hi. 6. Tua ciangin amah in a lawmte le a vengte sam a, ‘Kei tawh lungdam un; ka tuu mang ka mu zo hi,’ a ci hi. 7. Tua mah bangin ken kong genin ah, kisikkik ding a kisam lo midik sawmkua le kuate’ sangin a mawhna a kisikkik mawhnei khat hangin vantung ah lungdamna a lianzaw ding hi. Sum mang tawh Thugentehna 8. “Thu dang khat ah, numei khat in sumtang sawm nei-in, khat a mansuah leh, meivak vakin a muh matengin a inn phiatin limtakin zong kawikawi lo ding ahi hiam? 9. A muhkik ciangin a lawmte le a inn vengte sam a, ‘Kei tawh lungdam un. Bang hang hiam cih leh, ka mansuahsa sum ka mukik zo hi,’ a ci hi. 10. Tua mah bangin ken kong genin ah, a kisikkik mawhnei mi khat hangin Pasian’ vantung mite a lungdam uh hi,” a ci hi.

Hih in Topa' Lungdamna Lai Siangtho ahi hi.