Pasian aa dingin hoih kim tek hi hang cih Pope in a genna

A beisa sep 21, 2020 ni-in Pope Francis in naupang honkhat leh Austria aa St. Polten clinic aa ASD (Autism spectrum disorder) khangno pawlkhat Vatican ah kimuh pih hi.

Tua kimuh khopna ah Pope Francis in naupang hon 42, ASD te leh amau te’ nu leh pa, a kem clinic nasep te tungah a lungdamna pulak hi. “Vatican pan in kong muak hi. Na maitang uh ka muh ciang ka lungdamin, ih ki muhkhop na hangin na lungdamna mitangte uhzong ka mu thei hi cin gen thuah lai hi.

Hih naupangnote ki kep ki bawlna zato pen 1995 kumin ki phuan khiahi. Hih laimunah natna nam tuamtuam a nei naupangte ki bawlin leh natna hangtawh limtak aa kepding akisam naupangnote zong zatui zaha tawh ki bawl thei uh hi. 

Pope Francis in na omna uh inn pen lono na nitang silsial mun aa a hoih mahmah paak tawh ki bang hin, note pen tua nitanna mun aa om tua paak hoih te bang na hi uh hi. Pasian in paak melhoih  tuamtuam leitungah bawlin, tua paakte in hoihna a tuam tek in nei-in zong thupi mahmah uh hi cin gen hi.

Ei te khat ciat zong Pasain aadingin manpha aa, amah in eite hong it ahih manin lungdam ih koh ding kisam hi.

Topa Nong piaksa nuntakna leh na piansak nate hangin ka lungdam uh hi. Nu leh pa, innkuanpih leh lawm leh gual nongpiakna te tungah zong ka lungdam uh hi. Lungdam kipakna ih cih in, a etlawm mahmah Pasian a lungdam sak thungetna  ahi hi ci hi.

Pope Francis in naupang te kiang hih bangin gen thuah hi, “Note in nu leh pa te’ nasep alem theih nang leh natna athuak na pi aading in zong Pasian kiang ah na ngen thei uh hi. Leitung bup aa nekding neilo naupangte aadingin zong, Pope in pawlpi hoihtak amah kaih zawh nading cih te zong nangen thei uh hi ci-in gen hi. “Upna takpi tawh nanget uh leh Pasian in na thungetna te hong za ding hi,” ci-in Pope in gen thuah hi.

Pope Francis in hih kimuhkhopna aa a ki hel mi khempeuh leh zato nasem te khempeuh tungah a gen in ah, “A hong ki-ap naupang no te tungah a hoih makaihna tawh na kipiak khiatna te uh lungdam mahmah ing,”ci-in gen hi. Tua ban ah, “Hih mite tungah na bawl khempeuh uh Jesu tungah a bawl na hi uh hi,” cih genin thukhupna nei hi.
By Miss Rosa

https://bit.ly/2G6c2qb