Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Sia Joseph Hau Kap tungpan Lk 5; 33 39 bulphuh in kha-an vakna
Lungdamna Lai Siangtho (Lk 5:33-39 ) na bulphuh in Sia Joseph Hau Kap tung pan Kha an vakna ngai ni. 33. Tua khit ciangin amaute in Jesu’ kiangah, “John’ nungzuite le Pharisee-te’ nungzuite in antangin thu a ngen zelzel uh hi. Ahi zongin na nungzuipite in an ne-in tui a dawn uh hi,” a ci uh hi. 34. Jesu in amaute’ kiang ah, “Mopa tawh a om khawm kimlai a lenglate in bangci-in antang thei ding uh ahi hiam? 35. Ahi zongin mopa amaute’ kiang pan a kilakkhiat hun hong tung ding hi. Tua ni ciangin amaute in an a tang ding uh hi,” a ci hi. 36. Tua ciangin Jesu in thugentehna khat amaute’ tungah a gen inah, “Kuamah in puanthak bek khat eu-khia-in, puan lui phop ngei lo hi. Tua bangin phop leh puan thak kimlai a sia suak dinga tua puanthak bek le a lui kituak lo ding hi. 37. Kuamah in savun um lui sungah leenggahzu thak thun ngei lo hi. Tua bangin kithun leh, leenggahzu in savun um kitamsak dinga, leenggahzu bua-in, savun um zong kisia ding hi. 38. Ahi zongin savun um thak sungah leenggahzu thak thun ding hi zaw hi. 39. Kuamah in leenggahzu lui a dawn khit ciangin, leenggahzu thak dawn nuam lo hi, bang hang hiam cih leh leenggahzu lui a limzaw hi,” a ci hi.
Hih in Topa' Lungdamna Lai Siangtho ahi hi.
#RVATedimchinservie, #Homilly, #Daily, #Gospel, #ZomiCatholic,
Add new comment