Pawlpi tangthu (AD 30-313) Part I

Pawlpi tangthu (AD 30-313) Part-I, 

Dotna: Father, bang hang in Christian masa te bawlsiat nate thuak ai tam?

Dawn kikna 1 : Hih bawlsiat na aom ding thu, Topa Jesu mamah in a na gen khol sa ahi hi. (Mt:10:16-23; 26-28;37-39);(John:15:18-21; John:16:1-4) hi te sung ah i mu thei hi. Kumzalom 1-3 ciang dong, pawlpi in Roman Empire kumpi te i bawlsiat nate na thuak uh hi.
Hih Christianity akici upna thak, kipawlna thak in, leitung pen gal van te tawh zawh ding cih ngim na na neih lo uh hi, ahi zong in, kha thulam tawh azawh na ding uh ngim na naneih uh hi. Tua kha lam i cih pen in, Topa Jesu thuhil nate tawh mite i lungsim leh lungtang zawh na ding cih na ahihi. Tua hun laitak in, christian akici te mimal tawm mahmah bek tham lo in, sum leh pai, neih sa lam sa zong na na hau lo uh ahih man in, Roman kumpi pa ado zawh nading uh zong apiang thei lo khat ahihi.

Dawn kik na 2: Roma mipi te in, akumpi pa uh pasian zah dong in, napi mu bek thamlo zong pasian dan mah in nasang uh hi. Kumpi pa bawl thukhun khempeuh zong thu siangtho mah mah in nasang lai uh hi.

Dawn kik na 3: Christian te in, Kumpi pa, Pasian za dong a ngaihsut nate uh, sang nuam lo, zong na nial uh hi. Ahang in Christian te ading in To thum Pasian khat bek mah biak ding leh up ding hi cih pen na len tentan uh hi. A Chritian phuan masa pa Topa Jesu zong, hi Roman gam thuneih te i thukimna tawh zong si na thuak hi cih in, na sang uh hi. Pasian thu tawh aki leh bul, Roma gam i thukhum khempeuh sang lo ding cih lungsim tawh na nunta uh hi.

Dawn kik na 4: Rome gam ukna sung ah alau huai tuahsiat na, kamsiat na, lungkham huaina lianpi te (natna leh kial na, gal lel na) aom sim in Christian te tung ah mawk puak uh hi. Ahang in hi Biakna; upna thak azuite hang in, Rome mite biak a pasian te uh a lungkim lo man in, hidan te a thuak in na ki ngaisun uh hi.

Dawn kik na 5: Christian masa te pen, Nipi nisim (kal khat i ni masa ni) zing sang tung ahi kei, nitak lam khawng in, naki khawm sim uh hi. Tua aki khop ciang un (BREAKING OF BREAD) mo phelkham na, anunung nitak ann ne na phawk na in, ne khop na na bawl den uh hi. Hi thu hang in, Mipite in, hih Chritian te in, akikhop sim un mi sa ne mi si dawn uh hi cih thu na za kha uh hi. Adiakdiak in, naupangte, that in asa ne uh hi cih thu ngawhna na neih uh hi, zong na thang sak uh hi. Tua Christian te ne sa pen,Topa Jesu i si leh sa ahih lam a thei lo man uh ahihi. Hi hang in zong Christian te na mudah sem sem uh hi.

*Ciamteh ding: Tu ciang dong, Catholic pawlpi in Topa Jesu i si leh sa,nisim in bawl lai hi. **Pawlkhat in tu ciang ciang dong, RC te misa ne te hong ci uh bek tham lo zong hong ko gawp lai uh hi.
***RC te nek Si leh Sa in, Topa Jesu i si leh sa ahi hi, mi mawk mawk sa hi lo hi. (John: 6:25-58)

=Main Ref: Rev.Lawrence G.Lovasik S.V. D,
" St.Joseph, CHURCH HISTORY"., 1990 by Catholic Book Publishing Co., N.Y..Page 24-26.

=Others from My class materials

By Rev. Fr. Paulinus