"Bang hang hiam cih leh, Mihing’ Tapa in Sabbath’ Topa ahi hi”

Catholic Nisim lai Siangtho, Hun Nautaang Nipi Kaal (15) Na, July 17, 2020

Lungdamna Lai Siangtho (Matthew 12: 1-8)

1. Tua hun lai Sabbath ni-in Jesu in mangbuh lo nawk a a pai laitakin a nungzuite a gil uh kial ahih manin mangbuhvuite zutin a ne uh hi. 2. Pharisee-te in hih thu a muh uh ciangin ama kiangah, “En in, na nungzuite in Sabbath’ ni-a hih dinga kilawm lo na semin a gamta uh hi,” a ci uh hi. 3. Jesu in amaute’ kiangah, “David le a pawlte in a gil uh a kial laitakun amah in bang hih cih sim ngei lona hi uh hiam? 4. Pasian’ inn sungah amah lutin siampite bek in a nek theih Ompihna khomun amah le a pawlte in a ne uh hi. 5. Ahih kei leh zong siampite in biakinn sungah Sabbath ni a tan loh uh hangin mawhsakna a om lohna thu, Thukham sungah sim kha ngeilo na hi uh hiam? 6. Note’ kiangah kong genin ah: Biakinnpi’ sangin a lianzaw khat hih lai-ah a om hi. 7. Ahi zongin ‘Ganhing tawh biakna sangin hehpihna ka deihzaw hi,’ cih thu tel thei le-uh cin a mawh lopi na mawhsak kei ding uh hi. 8. Bang hang hiam cih leh, Mihing’ Tapa in Sabbath’ Topa ahi hi,” a ci hi.

Hih in Topa' lungdamna Lai Siangtho ahi hi.