“Hih thu khempeuh na telcian khin uh hiam?”

Catholic Nisim lai Siangtho, Hun Nautaang Nipi Kaal (17) Na, July 30, 2020

Lungdamna Lai Siangtho (Matthew 13: 47-53)

47. “Khat kik ah, vantung gam in tuipi sungah khuhsukin ngasa namkim a kimat theihna ngeen tawh kibang hi. 48. Ngasa tampi a awk ciangin, ngabengte in tui gei-ah a ngeen uh kaikhia-in tusuk kawmin ngasa a limci teng teelin a ngabawm sung uh ah koih uh a, a hoih lo teng a paikhia uh hi. 49. Leitung hun a bei ciangin, tua bang mahin ahi ding hi. Vantung mite hong kumsukin midikte’ lak pan migilote khenkhia-in, 50. meiphualpi sungah khia ding uh a, tua lai-ah kahna le hagawina a om ding hi,” a ci hi. 51. Jesu in amaute’ kiangah, “Hih thu khempeuh na telcian khin uh hiam?” ci-in a dong hi. Amaute in, “Ka tel mah uh hi,” ci-in a dawng uh hi. 52. (a)Tua ciangin amah in amaute’ kiangah, “Tua hi a, vantung gam thute sin a, a thei khin lai siangtho siamte khempeuh in amaute’ na manpha kholna sung pan a lui, a thak cih om loin a ututin a lakhia thei ziauziau inn neipa tawh kibang uh hi,” a ci hi. 53. Jesu in hih thugentehnate a gen khit ciangin, tua mun panin a paikhia hi.

Hih in Topa' lungdamna Lai Siangtho ahi hi.