Mi Siangtho William Pawini June 25

William in, Italy gam Piedmont-Vercelli khuami ahi hi. Latin thungetna laibu sungahama min Latin pau-in Gulielmi kici hi. A nu leh a pate, mi thupi a vangnei mi nampite ahi uh hi. A neu tuung-in a nu leh a pa in sihsan hi. Kum 14 a phak ciangin Spain gamCompostela khua-a St. James hanahthungen-a a paina dingin a neihsa khempeuh azuak hi. Ama pumpi sikkol kibulh-in khedap suahkhia-in Spain gam dongah akhe-guakin a pai hi.

Thu a nget khit ciangin Italy gamkhanglam Nola leh Beneventokhua kikal-a a tolten monk siampi sangah lut dingin Pasian sawlna a ngah hi. 1119kumin a tolten monk siampi sang khat phuan-a, amah kawkbaang lo-a a sianthona leh ana lamdang bawlnate hangin tua sanga kah ding mi tampi a lunglut uh hi. Tua ahihmanin a sawt loin ama makaihna nuai-ah monk siampi tampi a suak hi. Tonu Maria a pahtawina-in a omna mual min dingin Monte Vergine ci-in a phuak hi.Ni khat ni-in amau kipawlna Benedictine siampite thukhun khauh lua hi, ci-in aphun hong om ciangin, tua kipawlna a phuankhia William paikhia-in adang a toltenmonk siampi kipawlna khat a phuan leuleu hi.

Kumpi Naple Roger I, a pahtawina-in a toltente kipawlna monk siampi sang leh convent sang phuat dingin a ngaihsun hi.Kumpipa thudotte phattuamna dingin ngaihsutna tawh tua siampi siangthote, kumpi inngei-ah mun a pia hi. Monte Vergine mual tunga a siangtho monk siampite zong a sawtloin Italy gam khanglam dongah a kizel hi. Misiangtho William, 1142 kum June kha ni 25 ni-in a si hi. Mikangten William a minno-in Bill ci uh hi. Misiangtho William aw....Ko te adingin thu hong ngetsak tan.