"Zakna ding bil a nei peuhmah in za ta hen,”

Catholic Nisim Lai Siangtho, Hun Nautaang Nipi Kaal (3) Na, (THUR). January 30, 2020

Lungdamna Lai Siangtho(Mark 4: 21-25)

21. Tua khit ciangin Jesu in amaute’ kiangah, “Note in kho sangah vak loin, lawh khuh ding ahi zongin, lupna nuai-ah koih ding ahi zongin meivak de na hi uh hiam? A tunna tungah koihzaw hi lo na hi uh hiam?

22. Bang hang hiam cih leh a ki-imcip zo om loin kigenkhia dinga, a kiselcip zo om loin khuavak ah kipholak ding hi.

23. Zakna ding bil a nei peuhmah in za ta hen,” a ci hi.

24. Tua ciangin Jesu in amaute’ kiangah, “Na zakte uh limtakin ngaihsun un. Midangte na piakna uh tehna mah tawh note hong kitehkik dinga, note’ tungah a tamzawin hong kipia zaw lai ding hi.

25. Bang hang hiam cih leh, a neite kipiak beh dinga, a nei lote’ kiang pan a neihsun sun nangawn kilakkhiatsak ding hi,”a ci hi.

Hih in Topa' Lungdamna Lai Siangtho ahi hi.