"Vantung mi in a phuah kholhsa mah bangin a min Jesu a phuak uh hi"

Catholic Nisim Lai Siangtho, Lungdambawl Hun, Jan 1, 2021 (FRI)

Lungdamna Lai Siangtho (Luke 2: 16-21)

16. Tua ahih manin amaute a manlangin pai uh a, Maria, Joseph le bawng an nekna kuang sunga kisial naungek a mu uh hi. 17. Amaute in amah a muh uh ciangin hih naungek tawh kisai amaute kianga kigen thu a kizelsak kawikawi uh hi. 18. Tuucingte’ thugenna a zate khempeuh in lamdang a sa uh hi. 19. Ahi zongin Maria in ahih leh, tua thute khempeuh ciamtehin, a lungsim sungah a ngaihsun sun hi. 20. Tuucingte in amau kianga kigensa bangin, a zaksa a muhsate khempeuh uh hangin Pasian’ vangliatna phatin a ciah uh hi. 21. A ni giat ni, naungek a vun a ki-at khit ciangin, amah a kipaai ma-a vantung mi in a phuah kholhsa mah bangin a min Jesu a phuak uh hi.

Hih in Topa’ Lungdamna Laisiangtho ahi hi.