'Vantung ki-ukna hong nai ta hi,'

Lungdamna Lai Siangtho. (Mt. 9: 35-10: 1, 6-8)

Tua khit ciangin Khuapi le khuaneute khempeuh ah Jesu pai kawikaw a, a kikhopna innte uh ah vantung ki-ukna lungdamna thu hilhin, natna nam tuamtuamte a damsak hi. Amah in mihonpite a cing omlo tuuhonte bangin belh ding nei loin lungkhamin a om uh a muh ciangin hehpihhuai a sa hi. Tua ciangin amah in a nungzute' kiangah, "Buh at ding tampi om hi: ahi zongin a sem mi a tawm hi. Tua ahin ciangin buh at ding mi tampi hong sawlna dingin lo nei Topa' kiangah thu na ngen un," a cihi. Tua khit ciangin amah in a nungzuipi sawm le nihte samin dawi gilote a hawIkhiat theihna ding uh le natna satna namkim a dam-sak theihna dingun amaute tungah thuneihna a pia hi. Israel nam tuu mangthangte' lak bekah pai un. Note in na pai uh ciangin 'Vantung ki-ukna hong nai ta hi,' ci-in thu va tangko un. Cinate damsak unla, misite thokiksak un. Miphakte dam siangsak unla, daw gilote va hawl-khia un. Note in man pia loin na ngah uh mah bangun man sang loin va pla un.

Hih in Topa’ lungdamna Lai Siangtho ahi hi.