Vantung Gam tunna dingin bangthu pi hiam cih thu

Tuni Rev. Fr. Joseph Zo Mung tungpan Lungdamna Lai Siangtho: Matthew 11: 11-15 bulphuh in kha-an vakna.  Matthew 11:11. A man takpi kong genin ah, numei sung pan a piangte’ lakah Tuisawppa(a) John sanga lianzaw kuamah piangkhia nai lo hi. Ahi zongin Vantung Gam sungah a neu pen nangawn in John sangin lianzaw hi. 12. Tuisawppa John hun a kipan tuhun dongin Vantung Gam in zawhthawh bawlna thuak a, mi ngongtatte in thatanghat thu tawh a luahsawm uh hi. 13. Bang hang hiam cih leh kamsangte khempeuh le Thukham in John’ hun dong thu a na genkholhsa uh ahi hi. 14. Note in tua genkholhnate na san nop uh leh, amah in hong pai dingpa ‘Elijah’ ahi hi. 15. Zakna ding bil a nei peuhmah in za ta hen! Hih in Topa' Lungdamna Lai Siangtho ahi hi. #Homily, #RVATedimChinService, #Chin,