Upna muanna ki nei in cihtakna tawh na sem le hang i leitung nuntakna hong nuam ding hi.

Daily Homily by Rev. Fr. Joseph Zo Mung (June 26, 2021)

Tuni eite khat ciat khat in Pasian tung i kizopna sungah i upna bangin na a ki sem hi. Mihing khat leh khat zong i ki upna i kimuan na tawh ki zui in na sepna tang tung ding hi. Sum mang sak khat in zong koi na sum tua zah ong zang sak o ci leh tua mi a muan nak leh pia pah tangtang hi. A muan kei leh zang sak lo .tua ahih manin na khempeuh a tangtung na hi ta leh i lei tung nuntakna te ai zong i gual zawh na ai zong pen khat leh khat tungah upna ki muan na i neihna tawh nopsakna leh khan tohna gual zawhna om hi cih zong tuni laisiangtho sungah ong phawk sak hi. Gal kap mang pa in Topa Jesu tawh upna muan na nei mah tua a hih man in Topa Jesu in zong a mah tung ah a up a muan lam thei ahih manin a ma i kisap bangbang na pia pah in ah na ngen pah hi. Tua ahih manin eite leitung mite zong khat leh khat tungah upna muan na ki nei in cihtakna tawh na sem le hang i leitung nuntakna ong nuam ding a tua ban ah Pasian tungah zong itna kicing nei in eite upna tawh kituakin Pasian in zong eite tungah na hoih hong sem ding hi cih tuni laisiang tho in hong thei sak hi. Tua ahih manin eite khatciat khatciat in hih Pasian tungah upna i neih semsem nang hih galkap mangpa i a upna bangin upna kician nei in a ma deihna bangin i zuih zawh nangin ah han ciam ni.