Upna meikuang pen mite lak ah akuang sak tawntung dingin Topa’ hong hanthawn hi.

Tuni Laisiangtho sungah Topa Jesu in “Leitung ah mei a kuangsak dingin hong pai ka hi hi. Tu mah mahin zong tua mei a kuang khin hi leh, kei ka ut hi! ci-in hong hilh hi. Meikuang a cih ciangin Kha Siangtho zong a genna hi a, Kha Siangtho meikuang cih ciangin thuman thutak te tu mahmah in hih leitungah hong tung khinin mun khempeuh ah kizel leh Topa Jesu in lunggulh hi.
Meikuang sak dingin a cih ciangin tua Kha Siangtho nasepna mite nuntakna sungah a kuang den dingin ong deih hi cih ih phawk ding kisam hi. Topa Jesu in tu mahmah in zong tua mei a kuang khin hi leh ka ut hi ci hi.
Tua ahih manin (Eph 1 : 23) sungah tua Pawlpi pen Christu Pumpi hi ci a ih tel khit teh, Jesu pumpi a ih om khit teh, Jesu lampi a ih tawt khit teh tua upna meikuang pen mite lak ah, upna ki banglo, lametna ki banglo, biakna kibang lo te lak ah akuang sak tawntung ding, a lum sak tawntung ding, a tangsak tawntung dingin Topa’ hong hanthawn hi.