"Tua a hih manin Topa Jesu a pai ciang dawi te tai khia hi."

#Homily by Rev. Fr. Joseph Zo Mung (14.1.2020)
---------------------------------------------------------------

Tuni Lungdamna Lai Siangtho (Mk 1: 21-28) na sungah Topa Jesu in Dawi vei mi khat damna a piakna thu. Khua zing leh khua vak om khawm thei lo, thu maan leh thu maan lo om khawm thei lo a hih man in dawi na sepna leh Pasian nasepna zong om khawm thei lo hi. Tua a hih manin Dawi vei mipa kiangah Topa Jesu a pan ciangin dawi te om thei nawnlo in a pai khiatna thu ih thei hi. Itna, theihna leh upna zong a ki thuah ding kisam pha mah mah hi. Dawi ten upna leh theihna nei na pin itna nei lo a hih manin na hoih sem ngeilo hi. Tua a hih manin Topa Jesu a pai ciang dawi te tai khia hi. Tua a hih manin Topa Jesu tawh ih ki pawl theih na ding in itna, upna leh gamtathoih na a tawntungin kisam hi cih thu phawk in ih zuih zawh nangin hanciam ni.