Topa tawh aki zon mite in bangzah takin hampha hiam cih tawh kha-an vakna

Tuni Lungdamna Lai Siangtho: Luke 14: 15-24 15. Jesu tawh an a ne khawm mi khat in tua thu a zak ciangin Jesu kiang ah, “Pasian’ gam sungah pawi-a an a ne ding peuhmah thupha a ngah ahi hi,” a ci hi. 16. Tua ciangin Jesu in amaute’ kiangah, “Mi khat in nekkhawm pawipi khat khamin mi tampi a sam hi. 17. An nek hun a tun ciangin, ‘Hong pai un. Tu-in na khempeuh a baihsa-in a om hi,’ ci-in a khohsate’ kiangah a gen dingin a nasempa a sawl hi. 18. Ahi zongin a khohsate in a kibangin paulap a nei ciat uh hi. A masa pa in, ‘Lo khat a lei khin phet ka hi a, pai-in tua lo ka et kul hi. Nong hehpihna-in hong pengsak in,’ a ci hi. 19. Khat in, ‘Bawng kap nga a lei khin phet ka hi a, tuate a sin dingin a pai kimlai ka hi hi. Nong hehpihna-in kei hong pengsak in,’ a ci hi. 20. Adang khat in, ‘Zi nei khin phet ka hi hi, tua ahih manin kong pai thei kei ding hi,’ a ci hi. 21. Tua ahih manin nasempa ciahkik a, tua thu khempeuh a topa a zasak hi. Tua ciangin inntekpa heh a, a nasempa’ kiangah, ‘Khuapi sung lampi liante le kongzing neute ah pai mengmeng inla, mizawngte, mipoite, mittawte le khebaite hong tumpih in,’ ci-in a nasempa a sawl hi. 22. A nasempa in, ‘Topa aw, nong sawl bangin ka hih khin zo hi, ahi zongin mun a awng lai hi,’ a ci hi. 23. Tua ciangin a topa in a nasempa’ kiangah, ‘Lamliante le lamneute ah va pai inla, ka inn a dimna dingin amaute pelh loin hong tumsak in. 24. Bang hang hiam cih leh, ken kong genin ah, a kikhosate khat beek in ka anvak a ciam kha kei ding uh hi,” a ci hi.

Hih in Topa' Lungdamna Lai Siangtho ahi hi.