Topa pen lungsim takpi tawh mite in asan theih nadingun lam ih lah ding hong hanthawn ahi hi.

Homily by Rev. Fr. Andrew Go Nang (June 24, 2021)

-Tuni in pawlpi in John the Baptist i suahna pawi lianpi lungdam tak leh nasia takin hong bawl pih hi. Pawlpi biakna kum sungah suahna pawi pen tampi kibawl lo hi. Tua suahna pawi tampi kibawl lo ahih manin pawlpi in ih leitung nuntakna thupi saklo hiam cih zong ih dong nuam kha ding hi. Pawlpi in hih leitung nuntakna te a thupi sak lo hilo zaw in tua sangin athupi zaw tawntung nuntakna om lai hi cih hong hilh nuam hizaw hi.

-Bang hangin tuni in John the Baptist suahna pawi lianpi pen lungdam takin bawl ih hihiam cih tak ciangin amah in ih ngak ngak ih lamet mahmah Messiah hong pai na dingin a gen khol pa leh lam a sial pa hi-in ih gumpa hong honpa mite in kilawm takin asan theih na ding un kisik kikna taang ko pa ahih man ahi hi. Tuni in Pawlpi in ei mimal khat ciat hih pawi ih bawl na ah Misiangtho the baptist in ama mawh puak ahi leitung mite tungah gumpa honpa Topa Jesu a taang ko mah bangin ih kim ih pam aa om mite tungah eite in zong igumpa ihonpa Topa Jesu ih taangko nading leh ih gumpa ih honpa Topa Jesu pen i lungsim takpi tawh ih san mah bangin mite in zong asan theih na ding un Misiangtho John the baptist in lam alah mah bangin eite in lam ih lah na dingin hong hanthawn ahi hi.

-Tuni lungdamna laisiangtho sungah Pa Pasian in Zechariah kiangah ama min John hi ding hi acih mah bangin eite khatciat khatciat zong misiangtho John the Baptist mah bangin Topa Pasian hoihna, Topa Pasian citna te mite tungah ih lah ding leh Misiangtho John in leitung khuavak ahi Topa Jesu pen mite tungah alah mah bangin eite in zong ih lah ding ahi hi. Tua ban ah Misiangtho John the Baptist suahna hangin Zechariah te nupa leh asang gam te alungdam mah bang un eite khatciat in ih kim leh pam aa mite lungdamna ih hih theih nading in zong hong hilh ahi hi.

SHOW LESS