Topa Pasian in thumanna, cihtakna, itna deih hi.

Daily Homily by Rev. Fr. John Mang (June 23, 2021)

-Eite hong tankhia Pasian tapa Topa Jesu in ih nisim nuntakna ah ih tuah khak ding, ih theih ding, ih tel ding thu te hong hilh hi. Lungdamna laisiangtho sungah kamsang namnih na om hi. Nam khat in Pasian kamsang te na hi aa, adang khat in ziau thei kamsang, amah leh amah kamsang aa kiseh tawm ziau thei kamsang te na hi hi.

-Gam leh lei aading in, minam aading in, pawlpi aa ding in, Pasian aa ding in kipiakkhiatna na asem te, gam makai te, biakna makai te sungah tuni Topan bang deih hiam cih leh Thuman na, cihtakna, itna deih hi.

-Tuni in a thuman kamsang leh ziau thei kamsang bangci khen ding ih hiam?Tua te sungah nang le kei mahmah zong ziau thei kamsang i suah khak loh ding thupi hi. Gam mi, gam ta khat na hih na tawh cihtakna tawh na asem ding in Topan hong deih aa, hih leitung ah a citak mihing ih suah zawh kei leh vantung gam ah teltuam mihing, gamh luahza ih ngah zo kei ding hi. Hih leitungah a citak igam ilei aading, ipawlpi aa ding, i minam aading leh Pasian aa ding in cihtakna ih neih ciang bek in Pasian gam alut zo dingte ih hih lam tuni laisiangtho in hong thei sak nuam ahi hi.

-Tuni Topa lenggah huan sungah apo nang le kei leng gah gui hoih, singkung hoih te suakin gah tampi gah in, thuman na cihtakna deihsakna itna khat leh khat kikhualna, khat le khat mawh kimaisakna te gah manpha tampi tak agah dingin Topan nang leh kei hong lamen hi.