Topa ni siangtho sak ding pen amanpha ahi hi.

Topa ni siangtho sak ding pen amanpha ahi hi. Topa ni ih phawk ding pen amanpha ahi hi. Tu hun ciangin kikhop loh zong tampian hi. Topa ni zong ki phawklo thei hi. Topa ni, Nipi ni thei lo cih dawi ze-et na bangzahta in lian hiam? Pasian thukham ahi, Nipi ni, biak pawinite siangtho sak ding pen Pasian deihna hi ta leh ei te in dawi ze-et lianin kikhop theih lohna hangin Nipi ni te nangawn aphawklo tampi om hi hang. Ahi zongin Pasian deihna in kaalkhat sungin nikhat limlim Pasian ading koih ding, zing leh nitakin thungetna te ih neih den ding, thungetna te ah ih thadahloh na ding, Pasian tawh ih kizopna hi cih ih phawk nading, Pasian tungah ih nget ding, ih thum ding, ih tau ding, Pasian ii gen te Lai Siangtho tungtawnin ih lungngaih ding tampi tak om hi. Tua ahih manin nipi ni te in ih hih ding ih theih kei leh Pasian thu ih lungngaih ding, Pasian tawh hong kizom sak, Pasian tawh hong kinai sak ahi Pasian kammal an eite in ih san ding kisam hi. Nisim a ih zak Pasian kammal ante bek thamlo in Lai Siangtho ih sim ciangin kha thakhauhna nei tuam ih hih manin tuain Kha an, Pasian kammal an ahi hi. Tua hi a, ei te in ih kisap thupha tuamtuamte Topa ni ih siangtho sak ding, Topa ni-in a zenzenin athupi om in a hoih ahih nak leh ih sep ngam ding tuni Topa hong lak hi cih phawkni. Topa ni a siangtho sak zo te leh Topa ni aphawk den te, Topa ni a zahtakte, Topa tawh a tawlnga khawmte ih suahzawh na dingin hanciam ciatni.